Views: 371 කොළඹ නගර සභා බලප්රදේශය තුළ පිහිටි ආපනශාලා සහ අවන්හල්වලින් ලබාගන්නා ආහාරවල ප්රමිතිය සහ සෞඛ්යාරක්ෂිතභාවය පිළිබඳ ගැටලු සම්බන්ධයෙන් ක්ෂණිකව පැමිණිලි කිරීම සඳහා කොළඹ මහ නගර සභාවේ මහජන සෞඛ්ය දෙපාර්තමේන්තුව විසින් නව QR කේත (QR Code) පද්ධතියක් හඳුන්වා දී තිබේ. අවන්හල්වලින් සිදුවන නරක අත්දැකීම් සම්බන්ධයෙන් මහජනතාව සමාජ මාධ්ය ඔස්සේ අදහස් දැක්වුවද, නිල වශයෙන් පැමිණිලි කිරීමේ ප්රවණතාව අඩු මට්ටමක පැවැතීම හේතුවෙන් මෙම පියවර ගෙන ඇත. ඒ අනුව පාරිභෝගිකයන්ට පහසුවෙන් නිල වශයෙන් පැමිණිලි යොමු කිරීම සඳහා මෙම තාක්ෂණික විසඳුම නිර්මාණය කර ඇත. මෙම ව්යාපෘතියේ ආරම්භක පියවර ලෙස වැල්ලවත්ත ප්රදේශයෙන් පටන් ගෙන මැජෙස්ටික් සිටි ආපනශාලා පරිශ්රය දක්වා සූදානම් කළ QR කේත ස්ථාපිත කිරීමේ වැඩසටහන ක්රියාත්මක කෙරිණි. පැමිණිලි යොමු කරන ආකාරය:ප්රදර්ශනය කර ඇති QR කේතය ස්කෑන් කර, විවෘත වන කෙටි පෝරමය සම්පූර්ණ කර පැමිණිල්ල යොමු කළ හැකිය.අදාළ පැමිණිලි සෘජුවම ප්රදේශයේ සෞඛ්ය වෛද්ය නිලධාරීන් (MOH) සහ මහජන සෞඛ්ය පරීක්ෂකවරුන් (PHI) වෙත ලැබෙන අතර, ඔවුන් ඒ පිළිබඳව ක්ෂණිකව සොයා බලා අවශ්ය නීතිමය හා පරිපාලනමය පියවර ගනු ඇත.මහජනතාවගේ පෞද්ගලිකත්වය ආරක්ෂා කරමින්, තමන්ගේ නම හෝ සම්බන්ධතා තොරතුරු ලබාදීමකින් තොරව වුවද (Anonymous Complaint) පැමිණිලි ඉදිරිපත් කිරීමට මෙහිදී පහසුකම් සලසා ඇත. පාරිභෝගිකයන් වෙත විශේෂ උපදෙස්: මිලදී ගත් ආහාරවල අඩංගු අපද්රව්ය, නරක්වීම් හෝ ප්රමිතියෙන් තොර බව පිළිබඳව පැමිණිලි කරන්නේ නම්, අදාළ ආහාර ද්රව්ය නැවත අවන්හල වෙත භාර නොදෙන ලෙස මහජන සෞඛ්ය දෙපාර්තමේන්තුව ඉල්ලා සිටී. ඉදිරි පරීක්ෂණ සහ නීතිමය කටයුතු සඳහා නිලධාරීන්ට අදාළ ආහාර සාම්පල සහ මිලදී ගත් රිසිට්පත (Bill) අවශ්ය වන බැවින්, ඒවා සුරක්ෂිතව තබාගන්නා ලෙස දන්වා සිටියි. සම්බන්ධ කරගත හැකි වෙනත් මාර්ග:QR කේතය ස්කෑන් කිරීමට අමතරව පහත සඳහන් මාර්ග ඔස්සේද මහජනතාවට පැමිණිලි ඉදිරිපත් කළ හැකිය:දුරකථන අංකය: 011 267 6161විද්යුත් තැපෑල: cmchealthcomplaints@gmail.com කොළඹ නගරය වඩාත් සෞඛ්ය සම්පන්න සහ සුරක්ෂිත නගරයක් බවට පත්කිරීමේ මෙහෙයුමේ මුල් පියවරක් ලෙස ක්රියාත්මක වූ මෙම වැඩසටහන, ඉදිරියේදී කොළඹ 01 සිට 15 දක්වා ඇති සියලුම නගර සභා බලප්රදේශ වෙත ව්යාප්ත කිරීමට කටයුතු යොදා ඇත. Post navigation “රටම එකට” ජාතික මෙහෙයුමට වසරයි: විෂ මත් නිවාරණ දැවැන්ත පා ගමනක් කොළඹදී. “Ratama Ekata” National Operation Marks First Anniversary: Massive Anti-Narcotics Walk Held in Colombo සමුළුවෙන් පස්සෙ ලංකාව ගැන ප්රවර්ධනයක් වෙයිද? – ජනමාධ්ය ඇමතිට ප්රශ්නයක්