ආණ­ම­ඩුව ප්‍රාදේ­ශීය සභාවේ සභා­පති ධුරය මාලිමාවට.

ආණ­ම­ඩුව ප්‍රාදේ­ශීය සභාවේ සභා­පති ධුරය වැඩි ඡන්ද හත­ර­කින් ජය­ග්‍ර­හ­ණය කිරී­මට ජාතික ජන බල­වේ­ගය පක්ෂය නියෝ­ජ­නය කරන අලෝක බණ්ඩාර මහතාට හැකිවී තිබෙනවා.

ඒ වයඹ පළාත් කොම­සා­රිස් සංජී­වනී හේරත් මහ­ත්මිය ගේ ප්‍රධානත්වයෙන් ආණ­ම­ඩුව ප්‍රාදේ­ශීය සභාවේ සභා­ප­ති­ව­රයා හා උප සභා­ප­ති­ව­රයා තෝරා ගැනීමේ ඡන්ද විම­සීම ඊයේ (06) පස්ව­රුවේ පැවති අවස්ථාවේදීයි.

එහිදී සභා­පති හා උප සභා­පති යන තන­තුරු දෙකම ජාතික ජන බල­වේ­ග­යට හිමි වුණා.

පසු­ගිය පළාත් පාලන මැති­ව­ර­ණ­යෙන් පසු ආණ­ම­ඩුව ප්‍රාදේ­ශීය සභාවේ සභා­ප­ති­ව­ර­යකු පත් කිරීම සඳහා පළාත් පාලන කොම­සා­රි­ස්ව­රිය ඇතුළු නිල­ධා­රීන් අවස්ථා දෙක­කදී ඡන්ද විම­සී­මට කට­යුතු කර තිබු­ණද රහස් ඡන්ද­යට විරෝ­ධය මතු කර­මින් සමගි ජන බල­වේ­ගය ඇතුළු පොදු විප­ක්ෂය සභාව වර්ජ­නය කර­මින් නැඟි­ට­යෑම නිසා සභාවේ ගණපූර්ණය නොමැ­ති­වීම හේතු­වෙන් එය කල්දැ­මී­මට පළාත් පාලන කොම­සා­රි­ස්ව­රි­යට සිදු වුණා.

පළාත් පාලන කොම­සා­රිස්ට හිමි අවස්ථා දෙක ඉක්ම­වීම හේතු­වෙන් මේ පිළි­බ­ඳව මැති­ව­රණ කොම­සා­රිස් හරහා නීති­පති උප­දෙස් ලබා ගැනී­මට කට­යුතු කර තිබූ අතර පසුව නීති­පති උප­දෙස් මත නැවත මැති­ව­රණ කොම­සා­රිස් විසින් ඊ‌යේ (06) මෙලෙස සභාව කැඳ­වී­මට වයඹ පළාත් පාලන කොම­සා­රිස්ට බලය ලබා­දී තිබුණා.

ඒ අනුව පළාත් පාලන කොම­සා­රි­ස්ව­රිය මෙලෙස ඡන්ද විම­සීම සිදු­කි­රී­ම සඳහා පැමිණ සභාවේ සභා­ප­ති­ව­රයා තෝරා පත් කර ගැනී­මට නැවත ඡන්ද විම­සීම කැඳවා ඒ පිළි­බ­ඳව විවෘත ද එසේ නැති­නම් රහස්ද යන්න සභා­වෙන් විම­සී­මේදී මත දෙකක් නැව­තත් ඉදි­රි­පත් වීම සිදුවූ අතර රහස් ඡන්ද­යක් ජාතික ජන බල­වේ­ගය කණ්ඩා­යම ඉල්ලා සිටි අතර පොදු විප­ක්ෂය විවෘත ඡන්ද­යක් ඉල්ලා සිටි­යා.

මත දෙකක් හේතු­වෙන් කුමන මත­යද යන්න විම­සී­මට රහස් ඡන්ද විම­සී­මේදී සභාවේ මන්ත්‍රී­වරු 31 දෙනා අත­රින් 17 දෙනෙකු රහස් ඡන්ද­යක් බව­ටත් 15 දෙනෙකු විවෘත ඡන්ද­යක් බව­ටත් තම ඡන්දය භාවිත කර තිබුණි. ඒ අනුව සභා­ප­ති­ව­ර­යකු තෝරා පත් කර ගැනී­මට ජාතික ජන බල­වේ­ගය පක්ෂ­යෙන් ආලෝක බණ්ඩාර මහ­තාත් පොදු විප­ක්ෂය වෙනු­වෙන් සමගි ජන බල­වේ­ගය පක්ෂය නියෝ­ජ­නය කළ අනුෂ්ක ප්‍රිය­ශාන්ත යන දෙදෙනා තරග වැදුණා.

එහිදී ජාතික ජන බල­වේ­ගය පක්ෂ නියෝ­ජ­නය කළ අලෝක බණ්ඩාර මහතා ඡන්ද 18ක් ලබා ගනි­මින් සභා­පති ධුරය සඳහා පැවති ඡන්දය ජය­ග්‍ර­හ­ණය කිරී­මට සමත්ව තිබූ අතර පොදු විප­ක්ෂය නියෝ­ජ­නය කළ අනුෂ්ක ප්‍රිය­ශාන්ත මහ­තාට ලැබී තිබුණේ ඡන්ද 13ක් පමණයි.

පළාත් පාලන මැති­ව­ර­ණ­යේදී ජාතික ජන බල­වේ­ගය පක්ෂය කොට්ඨාස 17න් 14 ක මන්ත්‍රි­ධුර ලබා ගැනී­මට සමත්ව තිබූ අතර කොට්ඨාස තුනක් පරා­ජය වුණ අතර. නමුත් ප්‍රසාද මන්ත්‍රි­ධුර පත් කිරී­මේදී සමගි ජන බල­වේ­ගය පක්ෂය ඇතුළු පක්ෂ­ව­ලට මන්ත්‍රි­ධුර 17ක් ලබා ගැනී­මට හැකිව තිබුණි.

ජය­ග්‍ර­හ­ණය කළ තම සභා­ප­ති­ව­රයා පිළි­ගැ­නී­මට ආණ­ම­ඩුව ප්‍රාදේ­ශීය සභාව අසල රැස් වී සිටි ජාතික ජන බල­වේ­ගය පක්ෂයේ ආධා­ර­ක­රු­වන් රතිඤ්ඤා පත්තු කිරී­මක් හෝ නොකර නිහඬ ලෙස තම සතුට සම­ර­මින් සුබ පැතීම විශේ­ෂ­ත්ව­යක්.