Post Views: 356 රියදුරු බලපත්ර නිකුත් කෙරෙන දිස්ත්රික් කාර්යාල සියල්ල මේ වසර අවසානයට පෙර වේරහැර ප්රධාන කාර්යාලයේ තත්ත්වයට ගෙන ඒමට කටයුතු කරන අතරම රියදුරු බලපත්ර නිකුත් කිරීමේ දී මේ වන විට මතුව තිබෙන ගැටලුකාරී තත්ත්වය ලබන ඔක්තෝම්බර් මාසය වන විට විසඳන බව ප්රවාහන රාජ්ය අමාත්ය ලසන්ත අලගියවන්න මහතා පවසයි. එමෙන්ම, තාවකාලික රියදුරු බලපත්ර වෙනුවට එක්දින සේවය හරහා ස්ථිර රියදුරු බලපත්ර නිකුත් කිරීමට හැකිවන පරිදි අවශ්ය කටයුතු කරන බවත් ප්රවාහන රාජ්ය අමාත්යවරයා පැවසීය. අද (17) ජනාධිපති මාධ්ය කේන්ද්රයේ පැවති ප්රවෘත්ති සාකච්ඡාවට එක්වෙමින් මේ බව සදහන් කල රාජ්ය අමාත්යවරයා මෙසේද පැවසීය.ජනාධිපති රනිල් වික්රමසිංහ මහතාගේ මග පෙන්වීම යටතේ නවීන තාක්ෂණය භාවිතා කරමින් කාර්යක්ෂම ප්රවාහන සේවාවක් මහජනතාවට ලබාදීම අපගේ ප්රධාන අරමුණ වනවා. ඒ වෙනුවෙන් දැනටමත් විවිධ වැඩසටහන් ක්රියාත්මක කර තිබෙනවා.ඒ යටතේ, පවතින මෝටර් රථ පනත සංශෝධනය කර නව පනතක් ගෙන ඒමට අමාත්යාංශය කටයුතු කරමින් සිටිනවා. ඒ වගේම මාර්ග අනතුරු වළක්වා ගැනීම සඳහා වන වේග සීමා ක්රියාවලිය විධිමත් කිරීමට කටයුතු කරමින් පවතිනවා. තවද රියදුරන් සම්බන්ධයෙන් දැනට ක්රියාත්මක වන්නේ බීමත් රියදුරන් හඳුනා ගැනීම පමණයි. නමුත් මේ වසරේ සිට මත්ද්රව්ය පානය කර රිය පැදවීම සම්බන්ධයෙන් වැරදිකරුවන් වන රියදුරන්ට එරෙහිව නීතිමය ක්රියාමාර්ග ගැනීම ද රටපුරා ක්රියාවට නංවා තිබෙනවා. එහි මූලික අදියර බස්නාහිර පළාතේ සහ දකුණු පළාතේ ක්රියාත්මක කෙරුණා. එමෙන්ම රිය අනතුරකදී අවශ්ය ප්රථමාධාර පිළිබඳව රියදුරන් දැනුවත් කිරීම සදහා වන වැඩසටහනක් ක්රියාත්මක කිරීමට අවශ්ය කටයුතු සිදු කෙරෙමින් පවතිනවා. ඉදිරියේදී රියදුරු බලපත්ර පරීක්ෂණයේදී ප්රථමාධාර සම්බන්ධ ප්රශ්න ඇතුළත් කිරීමටද සැලසුම් කර තිබෙනවා. අප රටේ වාහන මිලියන 8.9 ක් පමණ භාවිත වෙනවා. එලෙසම රියදුරන් ලක්ෂ 85 ක් පමණ රියදුරු බලපත්රය ලබාගෙන තිබෙනවා. රියදුරු බලපත්ර නිකුත් කරන දිස්ත්රික් කාර්යාල සියල්ල මේ වසර අවසානයට පෙර වේරහැර ප්රධාන කාර්යාලයේ තත්ත්වයට ගෙන ඒමට කටයුතු කරනවා. ඒ වගේම විදේශිකයින්ට අවශ්ය රියදුරු බලපත්ර ලබාදීමේ වැඩසටහන ලබන අප්රේල් මාසය වන විට ගුවන්තොටුපලේදීම ලබාදීමට කටයුතු යොදා තිබෙනවා. එසේම රියදුරු බලපත්ර නිකුත් කිරීමේ දී මේ වන විට මතුව තිබෙන ගැටලුකාරී තත්ත්වය ලබන ඔක්තෝම්බර් මාසය වන විට විසඳනවා. ඒ අනුව තාවකාලික රියදුරු බලපත්ර වෙනුවට එක්දින සේවය හරහා ස්ථිර රියදුරු බලපත්ර නිකුත් කිරීමට කටයුතු කරනවා. යනුවෙන් පැවසීය. Join SMN24Media WhatsApp grouphttps://chat.whatsapp.com/I3bIbUXEdpG8wz2ub8Tk6o Post navigation දුමින්ද සිල්වාගේ ජනපති සමාව ශ්රේෂ්ඨාධිකරණය ඒකමතිකව අහෝසි කරයි. නිදහසේ මත්පැන් පෙරීමට ඉඩදෙන්න අල්ලස් ගත් පොලිස් SI සහ කොස්තාපල් අත්අඩංගුවට.
