Post Views: 169 බණ්ඩාරනායක ජාත්යන්තර ගුවන්තොටුපළේ (BIA) පැමිණීමේ පර්යන්තයේ රාජකාරියේ නිරත ශ්රී ලංකා රේගු මත්ද්රව්ය පාලන ඒකකයේ නිලධාරීන් විසින් ඊයේ (7) දින සිදු කළ විශේෂ පරීක්ෂාවකදී, තායි ජාතික පිරිමි පුද්ගලයන් දෙදෙනෙකු සන්තකයේ තිබූ කුෂ් කැනබිස් සහ හෂිෂ් මත්ද්රව්ය කිලෝග්රෑම් 5.137ක් අත්අඩංගුවට ගෙන තිබේ. තායි එයාර්වේස් ගුවන් සේවයට අයත් TG 307 දරණ ගුවන් යානයෙන් ශ්රී ලංකාවට පැමිණි මෙම සැකකරුවන් දෙදෙනාගේ ගමන් මලු පරීක්ෂා කිරීමේදී මෙම මත්ද්රව්ය තොගය අනාවරණය කර ගැනීමට රේගු මත්ද්රව්ය පාලන ඒකකයේ නිලධාරීන් සමත් වී ඇත. වයස අවුරුදු 39 ක් වන එක් තායි ජාතිකයෙකු සන්තකයේ තිබී කුෂ් කැනබිස් ග්රෑම් 2,224ක් සොයාගෙන ඇති අතර, එහි ඇස්තමේන්තුගත වීදි වටිනාකම රුපියල් 22,240,000ක් පමණ වේ. මෙම මත්ද්රව්ය ඔහුගේ ගමන් මල්ල තුළ සූක්ෂම ලෙස සඟවා තිබූ ප්ලාස්ටික් බෝතල් අටක් තුළ අසුරා තිබී ඇත. වයස අවුරුදු 23 ක් වන තවත් තායි ජාතිකයෙකුගේ ගමන් මල්ල පරීක්ෂා කිරීමේදී කුෂ් කැනබිස් ග්රෑම් 2,272ක් සොයාගෙන ඇති අතර, එහි ඇස්තමේන්තුගත වීදි වටිනාකම රුපියල් 22,720,000ක් පමණ වේ. එම මත්ද්රව්ය ද ප්ලාස්ටික් බෝතල් අටක් තුළ සඟවා තිබූ අතර මෙම සැකකරුගේ ගමන් මල්ල වැඩිදුරටත් පරීක්ෂා කිරීමේදී හෂිෂ් ග්රෑම් 641 ක් ද සොයාගෙන ඇති අතර, එහි ඇස්තමේන්තුගත වීදි වටිනාකම රුපියල් 6,410,000ක් පමණ වේ. එම හෂිෂ් තොගය කාඩ්බෝඩ් පෙට්ටියක් තුළ සඟවා තිබියදී සොයාගෙන ඇත. ඒ අනුව, සැකකරුවන් දෙදෙනා සන්තකයේ තිබී අත්අඩංගුවට ගත් සමස්ත මත්ද්රව්ය ප්රමාණය ග්රෑම් 5,137ක් (කිලෝග්රෑම් 5.137ක්) වන අතර, එයට කුෂ් කැනබිස් ග්රෑම් 4,496ක් සහ හෂිෂ් ග්රෑම් 641ක් ඇතුළත් වේ. මෙම මත්ද්රව්ය තොගයේ සමස්ත ඇස්තමේන්තුගත වීදි වටිනාකම රුපියල් 51,370,000ක් (රුපියල් මිලියන 51.37ක්) පමණ වේ. මූලික විමර්ශන ශ්රී ලංකා රේගු මත්ද්රව්ය පාලන ඒකකය විසින් සිදු කිරීමෙන් අනතුරුව, සැකකරුවන් දෙදෙනා සහ අත්අඩංගුවට ගත් මත්ද්රව්ය තොගය වැඩිදුර විමර්ශන සහ අවශ්ය අධිකරණ කටයුතු සඳහා පොලිස් මත්ද්රව්ය කාර්යාංශය (PNB) වෙත භාර දී ඇත. Post navigation මන්ත්රී නාමල් රාජපක්ෂ අල්ලස් හෝ දූෂණ චෝදනා විමර්ශන කොමිසම මගින් අත් අඩංගුවට ගනී. ශ්රී ලංකා වරලත් මාධ්ය වෘත්තිකයන්ගේ ආයතනය පනත් කෙටුම්පතේ ඇතැම් වගන්ති ව්යවස්ථාවට විරුද්ධයි. කථානායක කියයි.
