Post Views: 149 මාතර බන්ධනාගාරය කොටවිල ප්රදේශයට ගෙනයාමට කඩිනමින් කටයුතු කරන බව මාතර බන්ධනාගාරයේ නිරික්ෂණ චාරිකාවකට එක්වෙමින් අධිකරණ සහ ජාතික ඒකාබද්ධතා අමාත්ය, නීතිඥ, හර්ෂණ නානායක්කාර මහතා සඳහන් කරන ලදී. මාතර බන්ධනාගාරයේ පවතින අඩුපාඩු නිරීක්ෂණය කිරීමෙන් අනතුරුව අධිකරණ අමාත්යවරයාගේ ප්රධානත්වයෙන් විශේෂ සාකච්ඡාවක් පැවත්වූ අතර එහිදී අදහස් පළ කළ අමාත්යවරයා,“මෙම බන්ධනාගාරය ස්ථාපිත භූමියෙහි බන්ධනාගාරයකට අවශ්ය කටයුතු සඳහා ඉඩකඩ ප්රමාණවත් නැහැ. ඒ නිසාවෙන් බන්ධනාගාර නිලධාරීන් කාර්ය මණ්ඩල මෙන්ම රැඳවියන්ද දැඩි අපහසුතාවයට පත්ව සිටිනවා. මේ සඳහා විසදුමක් වශයෙන් මාතර බන්ධනාගාරය කොටවිල ප්රදේශයට කඩිනමින් ගෙන යාමට අවශ්ය කටයුතු සිදු කිරීමට සාකච්ඡා කරනු ලැබුවා. මාතර නව අධිකරණය ස්ථාපිත කර තිබෙන්නේ කොටවිල ප්රදේශයේයි. එහි බන්ධනාගාරය ස්ථාපිත කිරීමට ඉඩමක් වෙන් කර තිබෙනවා. පසුගිය දිනවල පැවති කලබලකාරී තත්ත්වය සමඟ මාතර බන්ධනාගාරයට හානි සිදු වුණා. එම තත්ත්වයත් නිරීක්ෂණය කරනු ලැබුවා. රටේ සංවර්ධන සැලැස්ම සමඟ බන්ධනාගාරය දැනට ස්ථාපිත භූමිය ඵෙතිහාසික වටිනාමක් සහිත භූමීයක් බවට පත් කිරීමේ හැකියාව තිබෙනවා. මේ සියලු කටයුතු පිළිබඳව සාකච්ඡා කළා. ඒ අනුව මේ සම්බන්ධයෙන් තවදුරටත් සාකච්ඡා කර කඩිනමින් ඉදිරි කටයුතු සිදු කරනවා” යැයි පැවසීය. කර්මාන්ත සහ ව්යවසාය සංවර්ධන අමාත්ය සුනිල් හඳුන්නෙත්ති, මාතර මහනගර සභාවේ නගරාධිපති ජයන්ත පතිරණ, මාතර බන්ධනාගාර අධිකාරී මංගල වැලිවිටිය මහත්වරුන්, අධිකරණ සහ ජාතික ඒකාබද්ධතා අමාත්යාංශයේ උසස් නිලධාරීන් ද මෙම සාකච්ඡාවට එක්ව සිටියහ. Post navigation “රාජ්ය ආයතනවල කොන්ත්රාත් හා තාවකාලික පදනම මත සේවය කරන 6000 කට ආසන්න පිරිසක් ස්ථිර කිරීමට රජයේ අවධානය”. සෞඛ්ය කාර්ය සහායක ස්ථිර පත්වීම් ලබාදීමේදී ඇමති කියයි. අරගලයේදී වී මෝලක් ගිනිතැබීම නිවස ගිනිතැබීමක් ලෙසට පෙන්වා වංචාකල බවට චමල් රාජපක්ෂ ළඟදීම අත් අඩංගුවට.
