Post Views: 277 සර්වජන බලය දේශපාලන එකමුතුවේ ජනාධිපතිවරණ අපේක්ෂකත්වය ජනගත කිරීම ඊයේ (04) සවස කොළඹ සුගතදාස ගෘහස්ථ ක්රීඩාංගණයේදී පැවැති සමුළුවේදී සිදුකරන ලදී. එහිදී සර්වජන බලය විධායක සභාවේ ඒකමතික තීරණය පරිදි මව්බිම ජනතා පක්ෂයේ නායක, ව්යවසායක, නීතිඥ දිලිත් ජයවිර මහතා සිය ජනාධිපතිවරණ අපේක්ෂකත්වයට තෝරා පත් කරගත් බව එම සමුළුව අමතමින් සර්වජන බලය විධායක සභාව වෙනුවෙන් ජාතික නිදහස් පෙරමුණේ නායක, පාර්ලිමේන්තු මන්ත්රී වීමල් වීරවංශ මහතා ප්රකාශයට පත් කළේය. මෙම අවස්ථාවට පිවිතුරු හෙළ උරුමයේ නායක, පාර්ලිමේන්තු මන්ත්රී උදය ගම්මන්පිල, ශ්රී ලංකාවේ කොමියුනිස්ට් පක්ෂයේ ප්රධාන ලේකම්, වෛද්ය ජී. වීරසිංහ, යුතුකම ජාතික සංවිධානයේ සභාපති, පාර්ලිමේන්තු මන්ත්රී ගෙවිඳු කුමාරතුංග, ප්රජාතන්ත්රවාදී වාමාංශික පෙරමුණේ නියෝජ්ය ලේකම්, ජී. වී .ඩී. තිලකසිරි, ස්වාධීන මන්ත්රී සංසදය නියෝජනය කරමින් පාර්ලිමේන්තු මන්ත්රී මහාචාර්ය චන්න ජයසුමන යන පක්ෂ නායකයෝ මෙන්ම සර්වජන බලය දේශපාලන එකමුතුවට අයත් පක්ෂවල සෙසු නායක නායිකාවෝ ද එක්ව සිටියහ. Post navigation සතියෙම තොරතුරු එක මිටට මාධ්ය හා සන්නිවේදන වෘත්තීයවේදීන්ගේ වරලත් ආයතනය වෙතින් ජනාධිපති අපේක්ෂකයින් වෙත සංදේශයක්.
