නාරම්මල වෙඩි තැබීම අත්වැරදීමකින් වූ තවත් මරණයක් පමණක් බවට පත්වේද ?

ඊයේ (18) රාත්‍රී නාරම්මල පොලීසිය විසින් නාරම්මල නගරය ආසන්නයේදී මාර්ගයේ ගමන් ගත් ඩීමෝ බට්ටා වර්ගයේ ලොරී රථයක් නැවැත්වීමට නියෝග කිරීමේදී ලොරී රියදුරා රථය නොනවත්වා ධාවනය කර ඇත.
මෙහිදී වාර්තාවන අන්දමට එම අවස්ථාවේදී උප පොලිස් පරීක්ෂකවරයෙකු සහ කොස්තාපල්වරයෙකු යතුරුපැදියකින් එම ලොරි රථය හඹා ගොස් දම්පැලැස්ස හංදිය අසලදී එය නවත්වා රියදුරුවෙත පිස්තෝලය එල්ල කර වාහනය පරීක්ෂා කිරීමට අවශ්‍ය බව සදහන් කර ඇත. මෙම අවස්ථාවේ දී “අත්වැරදීමකින්” ගිනි අවිය පත්තුවීමෙන් ලොරී රියදුරා මියගොස් ඇත.

මෙම අවස්ථාවේදී අසල වෙළදාම් කරමින් සිටි පළතුරු වෙළෙන්දන් විසින් සිදුවීම සිය ජංගම දුරකථන මගින් වීඩීයෝගතකර ඇති අතර එම දර්ශන අනුව අදාල නිළධාරීන් කිසිදු ලෙසකින් පොලිස් නිළධාරීන් බවට හදුනාගත නොහැකිබව පෙනී යයි. වර්තමානයේ බහුලව සිදුවන මංකොල්ලකෑම් නිසාවෙන් ලොරී රියදුරා රථය නොනවත්වා ධාවනය කල බව සැකකල හැකි අතර අහිංසක ජීවිතයක් අහිමිකිරීමට කටයුතු කල නිළධාරීන්ට නීතිය ක්‍රියාත්මක කල පමණින් අගතියට පත් පවුලට සාධාරණයක් ඉටුවේද ?

මෙම සිදුවීමට විරෝධය පළ කරමින් මියගිය පුද්ගලයාගේ ඥාතීන් ඇතුළු ප්‍රදේශවාසීන් පිරිසක් නාරම්මල පොලිසිය ඉදිරිපිට ඊයේ (18) රාත්‍රියේ රැස්වී කළහාකාරී ලෙස හැසිරි ඇති අතර ගේට්ටු කඩා බිඳ දමා පොලීසියේ දේපළවලට ද රැස්වු පිරිස් හානි කර ඇති බවත් වාර්තාවේ.

තත්ත්වය පාලනය කිරීම සඳහා පොලිස් විශේෂ කාර්ය බළකායේ නිලධාරීන් කණ්ඩායමක් යෙදවීමට පියවර ගෙන තිබු අතර
වෙඩි තැබීමේ සිද්ධියට සම්බන්ධ උප පොලිස් පරීක්ෂකවරයා සහ පොලිස් කොස්තාපල්වරයා නාරම්මල පොලීසිය විසින් අත්අඩංගුවට ගෙන තිබේ.

වෙඩි වැදීමෙන් මියගොස් ඇත්තේ 40 හැවිරිදි අලවිට ප්‍රදේශයේ පදිංචි වඩුකාර්මිකයෙකු ලෙස කටයුතු කරන පුද්ගලයෙකු බව සදහන් වේ.

Join SMN24Media WhatsApp group
https://chat.whatsapp.com/I3bIbUXEdpG8wz2ub8Tk6o