Post Views: 329 ජනපති හා විශ්වවිද්යාල ආචාර්යවරුන්ගේ සංගමය සමඟ සාකච්ඡාවක් අද (18) පස්වරුවේ ජනාධිපති ලේකම් කාර්යාලයේදී පැවැත්වුනි. දේශීය ණය ප්රතිව්යුහගත කිරීමේ වැඩපිළිවෙළ එළැඹෙන සැප්තැම්බර් මාසය වන විට සාර්ථකව අවසන් කර රටේ ආර්ථිකය ස්ථාවර කර ගැනීමෙන් පසුව විශ්වවිද්යාල ආචාර්යවරුන් ඉල්ලා සිටින මූල්ය සහනයන් ඇතුළු වරප්රසාද පිළිබඳ සලකා බැලීමට රජයට හැකි වනු ඇති බව ජනාධිපති රනිල් වික්රමසිංහ මහතා එහිදී සඳහන් කළේය. සියලු විශ්වවිද්යාල නියෝජනය කරමින් අධ්යයන කාර්ය මණ්ඩල නියෝජිතයන් මීට එක්ව සිටි අතර වර්තමාන අර්ථික පසුබෑම හමුවේ විශ්වවිද්යාල පද්ධතිය පවත්වා ගෙන යාමේ හා විශ්වවිද්යාල ආචාර්යවරුන් මුහුණ පා ඇති ගැටළු සඳහා ලබාදිය හැකි විසඳුම් පිළිබඳ සොයා බැලීම මෙම සාකච්ඡාවේ අරමුණ විය. විශ්වවිද්යාල පද්ධතියේ අත්යාවශ්ය පුරප්පාඩු හඳුනාගෙන ඒවා පිරවීම සම්බන්ධයෙන් අමාත්ය මණ්ඩල සංදේශයක් ඉදිරිපත් කරන ලෙස ද ජනාධිපතිවරයා මෙහිදී බලධාරින්ට උපදෙස් දුන්නේය. වාර්ෂිකව විශ්වවිද්යාල වලට බඳවා ගන්නා ශිෂ්ය සංඛ්යාවට සාපේක්ෂව පවතින අධ්යන පහසුකම් ප්රමාණවත් නොවන බව මෙහිදී විශ්වවිද්යාල ආචාර්යවරු පෙන්වා දුන්හ. දැනට නවතා ඇති විශ්වවිද්යාල ආචාර්යවරුන්ගේ පර්යේෂණ දීමනාව යළි ලබාදීමට ඇති හැකියාව පිළිබඳ නීතිපතිවරයා සමඟ සාකච්ඡා කර තීරණයකට එළැඹෙන ලෙස ද ජනාධිපතිවරයා බලධාරින්ට දැනුම් දුන්නේය. Post navigation පාස්පෝට් ගන්න පෝලිම් වල කල මරපු කාලේ ඉවරයි ලබන මස සිට වෙනසක්. අන්තර්ජාලය ඔස්සේ භාණ්ඩ අලෙවි කිරීම නියාමනය කරමින් ගැසට් නිවේදනයක්.
