Post Views: 249 දිවංගත අග්රාමාත්ය මහාමාන්ය ඩී. එස් සේනානායක මැතිතුමාගේ දර්ශනය අපි ඈත් කළ නමුත් ලී ක්වාන් යූ අග්රාමාත්යවරයා එම දර්ශනය අනුව යමින් සිංගප්පූරුව සංවර්ධිත රටක් බවට පත් කර තිබෙන බව ජනාධිපති රනිල් වික්රමසිංහ මහතා පැවසීය. ජනාධිපති රනිල් වික්රමසිංහ මහතා මේ බව සඳහන් කළේ, නිදහස් චතුරස්ර පරිශ්රයේ දී අද (22) පස්වරුවේ පැවති දිවංගත අග්රාමාත්ය මහාමාන්ය ඩී. එස් සේනානායක මැතිතුමාගේ 71 වන ගුණ සමරු වැඩසටහනට එක් වෙමිනි. ජනාධිපති රනිල් වික්රමසිංහ මහතා මහාමාන්ය ඩී. එස්. සේනානායක මැතිතුමාගේ පිළිරුවට පුෂ්පෝපහාර දැක්වීම ද මෙහිදී සිදු කෙරුණු අතර කොල්ලුපිටිය, පොල්වත්ත ශ්රී ධර්මකීර්ති ආරාමාධිපති ආචාර්ය පූජ්ය බණ්ඩාරවෙල විමලධර්ම ස්වාමීන් වහන්සේ විශේෂ අනුශාසනාවක් සිදු කළහ. එක්සත් ජාතික පක්ෂ සභාපති, පාර්ලිමේන්තු මන්ත්රී වජිර අබේවර්ධන, ජාතික ආරක්ෂාව පිළිබඳ ජනාධිපති ජ්යෙෂ්ඨ උපදේශක සහ ජනාධිපති කාර්ය මණ්ඩල ප්රධානි සාගල රත්නායක, දේශගුණික විපර්යාස පිළිබඳ ජනාධිපති ජ්යෙෂ්ඨ උපදේශක රුවන් විජයවර්ධන, හිටපු කථානායක කරු ජයසූරිය, හිටපු අමාත්යවරුන් වන රවී කරුණානායක, රෝහිත බෝගොල්ලාගම, කරුණාසේන කොඩිතුවක්කු, රුක්මන් සේනානායක, කොළඹ හිටපු පුරපති රෝසි සේනානායක, එක්සත් ලක් වනිතා පෙරමුණේ සභාපතිනි, හිටපු පළාත් සභා මන්ත්රී ශාන්තිනි කෝන්ගහගේ, යුද හමුදාපති ලූතිනන් ජනරාල් විකුම් ලියනගේ යන මහත්ම මහත්මීහු ඇතුළු පිරිසක් මෙම අවස්ථාවට එක්ව සිටියහ. Post navigation President requests the opposition to support the implementation of the IMF agreement පොලිස්පති ධූරය දේශබන්දුට ? ආණ්ඩුවේ මංත්රීවරු ජනපතිට යෝජනා කරයි.
