Post Views: 320 පාස්කු ඉරුදින ත්රස්ත ප්රහාරයක් එල්ල වීමට නියමිත බවට බුද්ධි තොරතුරු ලැබී තිබියදීත් එය වළක්වා ගැනීමට පියවර නොගැනීම තුළින් හිටපු ජනාධිපති මෛත්රීපාල සිරිසේන, හිටපු ආරක්ෂක ලේකම් හේමසිරි ප්රනනේදු, හිටපු පොලිස්පති පූජිත් ජයසුන්දර, රාජ්ය බුද්ධි සේවයේ හිටපු ප්රධානී නිලන්ත ජයවර්ධන, හිටපු ජාතික බුද්ධි ප්රධානී සිසිර මෙන්ඩිස් යන අය මූලික මිනිස් අයිතිවාසිකම් උල්ලංඝනය කර ඇතැයි ශ්රේෂ්ඨාධිකරණය තීන්දු කළේය. පාස්කු ඉරුදින කතෝලික දේවස්ථාන හා තරු හෝටල් ඉලක්ක කර මරාගෙන මැරෙන ප්රහාර එල්ල කරන බවට බුද්ධි තොරතුරු ලැබී තිබියදී එම ප්රහාර වළක්වා ගැනීමට ක්රියා නොකිරීම තුළින් මුලික අයිතිවාසිකම් උල්ලංඝණය වී ඇති බවට පාස්කු ඉරුදින ප්රහාරයෙන් තුවාල ලැබූ සහ මියගිය පුද්ගලයන්ගේ ඥාතීන්, කතෝලික පියතුමන්ලා සහ ශ්රී ලංකා නීතීඥ සංගමය ඇතුළු පාර්ශවකරුවන් ශ්රේෂ්ඨාධිකරණයට ඉදිරිපත් කොට තිබු මූලික අයිතිවාසිකම් පෙත්සම්වල තීන්දුව ලබා දෙමින් අගවිනිසුරු ප්රමුඛ සත්පුද්ගල විනිසුරු මඩුල්ල මෙම තීන්දුව ලබාදෙන ලදී. ඒ අනුව, හිටපු ජනාධිපති මෛත්රීපාල සිරිසේන මහතා විසින් රුපියල් මිලියන 100 ක්, හිටපු පොලිස්පති පූජිත් ජයසුන්දර හා රාජ්ය බුද්ධි සේවයේ හිටපු ප්රධානී නිලන්ත ජයවර්ධන විසින් රුපියල් මිලියන 75 බැගින් ද, හිටපු ආරක්ෂක ලේකම් හේමසිරි ප්රනාන්දු විසින් රුපියල් මිලියන 50 ක් හා හිටපු ජාතික බුද්ධි ප්රධානී සිසිර මෙන්ඩිස් විසින් රුපියල් මිලියන 10 ක් ලෙසට වන්දි ගෙවීමට නියෝග කරන ලදී. පුරා වසර 2 කට අධික කාලයක් විභාගයට ගත් මෙම නඩුව මෙරට අධිකරණ ඉතිහාසයේ සුවිශේෂි නඩුවක් බවට පත්ව තිබුනි. Post navigation ගාලු මුවදොර අරගල කරුවන් හට මැතිවරණයට ඉදිරිපත්වීමට මහින්ද පක්ෂයක් දෙයි. පළාත් පාලන මැතිවරණය වැලැක්වීමට කල ජිල්මාට් එක හෙලිවේ.
