Post Views: 411 තලේබාන් රජය බිඳවැටීමත් සමඟ ඇෆ්ගනිස්ථානයේ, විශේෂයෙන් බටහිර පළාත්වල බොහෝ නිදහස් හා ස්වාධීන මාධ්ය වසා දමන ලදි. මෙම පළාත්වල චිත්රපට සහ සංගීතය තහනම් කරන ලද අතර කාන්තාවන් මාධ්යවල පෙනී සිටීමද තහනම් කර ඇත. බොහෝ මාධ්ය වසා දමන ලද නිසා සේවකයින් රැකියා විරහිත තත්වයට පත්ව ඇත. කාබුල් නගරයෙන් පසු වැඩිම ජනමාධ්ය ප්රමාණයක් සහ මාධ්යවේදීන් සිටියේ හෙරාට් වන නමුත් දැන් මේ බොහෝ මාධ්ය වසා දමා හෝ සීමා කර ඇත. අගෝස්තු 21 වෙනිදා තලේබාන් රජය බිඳවැටීමට පෙර හෙරාට් හී පමණක් රූපවාහිනී මධ්යස්ථාන 20 ක්, ගුවන් විදුලි මධ්යස්ථාන 22 ක් සහ මුද්රණ හා අන්තර්ජාල මාධ්ය දුසිම් ගනනක් ක්රියාත්මක වූ නමුත් දැන් පසුගිය දශක දෙකක කාලය තුල පැවති අවම මාධ්ය ආයතන සංඛ්යාවක් දැනට පවතින සංඛ්යා ලේඛන පෙන්වා දෙයි. උදාහරණයක් වශයෙන්, හෙරාට් හි විශාලතම විකාශන මාධ්යයක් වූ අසර් ටීවී සතියකට වඩා වැඩි කාලයක් විකාශය නොකළ අතර එතැන් සිට වැඩසටහන් නිෂ්පාදනය පහත වැටී ඇත. එක් කාලයක අසර් රූපවාහිනියේ ප්රවෘත්ති වලට නරඹන්නන් විශාල ප්රමාණයක් සිටි නමුත් රජය බිඳවැටීමත් සමඟ මෙම මාධ්ය වල ප්රවෘත්ති අංශය වසා දමා ඇත. හෙරාට් හි ටාර්කි ටීවී ඇතුළු බොහෝ මාධ්ය ආයතනවලට වෘත්තීය කාර්ය මණ්ඩලය හිඟකම හේතුවෙන් විකාශනය ආරම්භ කිරීමට නොහැකි වි ඇත, එක්කෝ ඔවුන්ගේ සේවකයින් ප්රදේශය හැර ගොස් හෝ තලේබාන් රජය යටතේ මාධ්ය තුළ ක්රියා කිරීමට කැමති නැති නිසාවෙනි. කාන්තාවන් නොමැති රජයකට එරෙහිව කාබුල් නුවර උද්ඝෝෂණ මේ අතර, ඇෆ්ගනිස්ථානය පාලනය කිරීම සඳහා පිරිමින්ගෙන් පමණක් සමන්විත අන්තර්වාර රජයක් පිහිටුවීමට එරෙහිව එරට අගනුවර වන කාබුල් නගරයේ හා ඊසානදිග ඇෆ්ගනිස්ථාන බඩක්ශාන් පළාතේ කාන්තාවන් පිරිසක් විසින් විරෝධතාවයක් පවත්වා තිබේ. උද්ඝෝෂණයට සහභාගී වූ කාන්තාවන් පවසා ඇත්තේ කාන්තා ඇමැතිවරුන්ගෙන් තොර රජයක් ඔවුන් පිළිනොගන්නා බවයි. තලිබාන් රජයේ නිලධාරීන් විසින් උද්ඝෝෂණයට සහභාගී වූ ඇතැම් කාන්තාවන්ට පහර දී උද්ඝෝෂණයට බාධා කර තිබෙන අතර එම අවස්ථාව වාර්තා කිරීමට පැමිණි සිය මාධ්ය ආයතනයේ මාධ්යවේදීන් පිරිසක් අත්අඩංගුවට ගෙන ඔවුන්ට නිලධාරීන් විසින් පහර දී ඇති බව ‘එටිලාට්රොස්’ ප්රවෘත්ති ආයතනය විසින් නිවේදනය කර ඇත. මෙම චෝදනාවලට පිළිතුරු ලබා දී නොමැති තලිබාන් පාලකයන් මෙවැනි උද්ඝෝෂණ පැවැත්වීම නීති විරෝධී බව ප්රකාශ කර තිබේ. උද්ඝෝෂණ පෙළපාලි පැවැත්වීම සඳහා රජයෙන් අවසරය ලබා ගත යුතු බව ද ඔවුන් සඳහන් කර ඇත. Post navigation කොවිඩ් ව්යාප්ත කිරීම නිසා වසර පහක සිර දඬුවමක් නියම කෙරේ. බොට්ස්වානා යෞවන රූපසුන්දරිය ලෙස කිරුළ දිනූ ශ්රී ලාංකික තරුණිය.
